Нұрғалиев Қанат Тоқтарбекұлы — әл-Фараби атындағы ҚазҰУ-дың Философия және Саясаттану факультетінің (1996 ж.) және Қ.И. Сәтбаев атындағы ҚазҰТУ-дың магистратурасының (2004 ж., философия магистрі) түлегі. Оның сабақ беру тәжірибесі — 20 жылды құрайды. 2004–2017 жылдары Қ.И. Сәтбаев атындағы ҚазҰТУ-да ассистент, оқытушы және аға оқытушы болып қызмет етті, онда «Ғибрат» эстетикалық-танымдық клубының төрағасы болды. ҚазҰТУ-да философия, мәдениеттану және ғылым тарихы мен философиясы пәндерінен сабақ беріп, білімді оқытушы ретінде танылды. Ол «Қазақ философиясының тарихы» мен «Қазіргі заман философиясы» бағыттарын зерттейді, 30-дан астам ғылыми мақаланың және «Студенттерге арналған тестер жинағы» оқу-әдістемелік құралының авторы. 2017–2022 жылдары әл-Фараби атындағы ҚазҰУ Философия және Саясаттану факультетінің аға куратор-эдвайзері қызметін атқарды. Қазіргі таңда ҚазҰУ философия кафедрасының аға оқытушысы болып табылады, «Философия» және «Ғылым тарихы мен философиясы» пәндерінен жоғары әдістемелік деңгейде дәріс береді. 2016 жылы «Ерен еңбегі үшін» медалімен марапатталған. Қ.Т. Нұрғалиев — жауапкершілігі жоғары, студенттер арасында беделді және ҚР БҒМ Ұлттық тестілеу орталығынан жоғары кәсіби деңгейдегі жұмысы үшін грамоталармен марапатталған қызметкер.